Alwada3 Almor Mp3 Song Download Amjad Jomaa
Latest Alwada3 Almor Mp3 Song Download By Amjad Jomaa In 320Kbps Only on Pagalworld4u. Download Love Songs 2023 Of Amjad Jomaa. Best 2023 Song Alwada3 Almor Singer is Amjad Jomaa , Lyrics Written By Amjad Jomaa and Music by Amjad Jomaa Composed.
Alwada3 Almor Video Song
Alwada3 Almor Mp3 Song Download And Listen Online
Download Here
Alwada3 Almor Song Info
| Singer | Amjad Jomaa |
|---|---|
| Music Composer | Amjad Jomaa |
| Lyricist | Amjad Jomaa |
| Released On | Feb-20-2023 |
Alwada3 Almor Song Lyrics
عَمت كآبة وغطت الغيمة الدني
فجأة بليلة قاسية وصعبة
البنت يلي صارت بحضن بيّا تحتمي !
والبنت يلي ماعندا بَي.. تحتمي بلعبة !
الأم يلي كانت برمش إبنا تعتني
ًيقلا .. إمي تركيني وهربي
ليلة طويلة بتشبه 12 سنة
فيها الأرض رسمت مشاهد مرعبة
كيف المباني فوق بعضا بتنحني
وتحت المباني في كم بنت وصبي ! ؟
وبديت الأصوات يسربها الركام
أصوات غريبة ما إلها صدى
وبديوا البشر يتجمعوا و كبر الزحام
وعليت صواتن للدني اشتغل الندا
صارت دموع الناس يلي فوق الركام
ترطب قسا الحجار بلكي يخف تقلا .. ومانخسر حدا
وبديت صواتن ترقد عالهدا
وصار الحجر دم .. يشر
وصارت بقايا الأبنية فوق يلي راحوا.. تهر
وبلَّش .. الوَداع المُر
تشاهد يا ابني .. نحنا سامحناك
وإنت سامحنا .. لو ما طلعناك
ما الحجر أقوى من البشر والديات !
البنت يلي تقلا ل امها خيي مات
واما تقلا معليش .. قضاء وقدر
وبديوا المعجزات
ملائكة بهيئة ضو .. لتطعمي البشر
مدفونين..عطشانين.. مخنوقين.. فَ نزلت مطر !!
ويلي فقد من عيلتو عشرين نَفَر !
مابقي ل قلبو أثر
يارب وقت الدني تمطر منحتمي تحت السقف
ووقت السقف يهبط .. منحتمي كلنا فيك
يارب .. ترحم بَشَر راحت تلاقيك
بان الضعف والقوة بالإنسان
وكبر الوجع .. والقهر.. والإيمان
وتسجلت صفحة جديدة للتاريخ
كان ياما كان
كان في طفل بردان
غطاه سقف البيت
وكفنتو الحيطان
هلق دفي
نام وغفي
غفوة طويلة الزمان
لأول مرة قلمي بيعجز يكتب شي
وصوتي الغصة بيكتما
لأول مرة خيالي بيعجز .. الصورة يرسما
ف خليني اوقف هون .. وعبر على قدي
خجلان بالسقف يلي فوقي .. من طفل سقفو السما
خجلان بالإحساس.. بفراغ العقل والراس
الله لايدوق حدا نفس الكاس
قبل ماتسمع جملتي الأخيرة!
تعوذ من الوسواس .. والخناس
أنا أول مرة بلمح أرض بتولد ناس .. وتأجهض ناس
